Link açıqlığı

«Kommunistı Rossii» firqasınıñ Qırım cumhuriyet bölügi komitetiniñ birinci kâtibi Leonid Graç Aqmescitte Franko adına kitaphane adınıñ deñiştirüvi boyunca teşebbüsni «hastalarnıñ müsibetke ketirecek saçmalığı» olaraq adladı. Bunıñ ile o, bu Qırım Anayasasınıñ qaba bozuluvı olğanını tüşüne.

Bunı Graç Qırım.Aqiqatqa bergen izaatında añlattı.

«Başta ukrain teatrniñ (ukrain) serevasını aldılar, soñra rus teatrniñ, soqaqlarnıñ adlarını deñiştirmege başladılar, şimdi ise – kitaphaneler. Qırımda faqırlıq, işsizlik, yoqsullıq. Qırımda, qayda baqmasañ, er yerde qabarcılıq, olar ise bu kibi olmaycaq areketler ile oğraşalar. Hastalarnıñ saçmalığıdır», – dey Graç.

Onıñ fikrine köre, kitaphane adını deñiştirmek teşebbüsi ile çıqqanlar «Qırım Anayasasını qaba sürette bozalar».

«Anda üç tilniñ teñ olğanı ilân etile: rus, ukrain ve qırımtatar. Yani, til, medeniyet, tarihiy medeniyetler özara bağlıdır. Böyle şeylerni yapmaq olurmı? Franko endi mot degilmi? Bu şekilde areket etmek mumknünmi? Belâğa ketirecekler», – dep yekün çekti kommunist.

İ.Ya.Franko adına universal ilmiy kitaphanesi» qırım cumhuriyet müessiseniñ adı deñişecek. Yañı yılnıñ başlanmasınen kitaphane faaliyetinе «Qırım universal ilmiy kitaphanesi» Qırım Cumhuriyetiniñ Devlet bücet medeniyet müessisesi olaraq devam etecek.

Şimdi ukrain yuridik şahıs olğan Franko adına ilmiy kitaphane yoq etilmekte. Yañı şahısınıñ Rusiye uquqiy alanında qayd etilmesi soñuna daa yetmedi, haber ete neşir.

İşğal etilgen Qırımda eki teatrniñ adını endi deñiştirdiler. Böyleliknen, Aqmescitte Qırım Akademik Ukrain muzıkalı teatri endiden «Qırım Cumhuriyetiniñ Devlet akademik muzıkalı teatri» ola, Gоrkiy adına Rus akademik drama teatri ise – «Qırım akademik drama teatri» dep adlana.

Qırımtatar akademik muzıkalı-drama teatri de öz adını deñiştirip, devlet müessisesi olacaq.

XS
SM
MD
LG