Link açıqlığı

ATO quvetleri kün devamında duşman mevzilerine 20 kere darbe endirdi


Cumaaqşamı künü, dekabr 4-te, ATO quvetleri duşmannıñ mevzilerine 20 kere darbe endirdi. Bunı ATO matbuat merkezi bildire.

«Duşman toplarından zarar körgen mesken yerler: Krımskoye, Nijneye, Staniçno-Luganskoye, Sokolniki, Starıy Aydar, Olhovoye, Sçastye, Slavnoye, Tonenkoye, Novokalinovo, Krasnogorovka, Avdeyevka, Debaltsevo, Uglegorsk, Orlovo-İvanovka, Kamışevaha, Novolaspa, Bogdanovka, Olginka, Novotroitskoye», – aytıla beyanatta.

Ukrinform malümatına köre, boyevikler ukrain askerlerine qarşı ateş açmağa devam eteler. Mariupol tarafında Çermalik mesken yeri ateşke oğratıldı. Kün devamında olar raketa top, minaatıcı ve diger silânı qullanıp, ukrain arbiyleriniñ mevzilerine 31 kere ateş açtılar.

XS
SM
MD
LG