Aqımdaki seneniñ yanvar-noyabr ayları devamında Ukrainanıñ Rusiye ihracatı 32%-ğa eksildi, italât eksilmesi ise 50% teşkil etti. Bunı Devlet maliye hızmet reisiniñ muavini Anatoliy Makarenko Kiyevdeki brifingde cumaaqşamı künü, dekabr 4-te, bildirdi, – dep bildirdi Ukrinform.
«Ukraina italâtı böyledir: 39% – Avropa Birliginiñ memleketleri, 22%-ğa eksildi; 31% – SNG memleketleri, 42%-ğa eksildi, şu cümleden Rusiye Federatsiyası ile 50%-ğa eksildi», – dedi Makarenko.
Devlet maliye hızmetiniñ reis muavini bildirgenine köre, Rusiye Ukrainanıñ esas tışqı ticaret ortağı olıp qala.
Qıtay ticarette 7% ala, Almaniya – 6%, Poloniya, Aqrusiye ve Türkiye – er biri 5%, İtaliya – 5%, Macaristan, İndistan ve AQŞ – er biri 2%.
