Link açıqlığı

«İ.Ya.Franko adına universal ilmiy kitaphanesi» qırım cumhuriyet müessiseniñ adı deñişecek.

Bunı Krım Media agentligine kitaphane hadimleri bildirdiler.

Neşirniñ malümatına köre, yañı yılnıñ başlanmasınen kitaphane faaliyetinе «Qırım universal ilmiy kitaphanesi» Qırım Cumhuriyetiniñ Devlet bücet medeniyet müessisesi olaraq devam etecek.

Şimdi ukrain yuridik şahıs olğan Franko adına ilmiy kitaphane yoq etilmekte. Yañı şahısınıñ Rusiye uquqiy alanında qayd etilmesi soñuna daa yetmedi, haber ete neşir.

Kitaphane 1843 yılından çalışa. O vaqıt Aqmescitte 600 tomlıq fondu olğan «Oquv içün cemiyet kitaphanesi» açılğan edi. 1921 senesi Qırımnıñ Merkeziy vilâyet kitaphanesi teşkil etildi. 1941 senesine mında endi 350 biñ kitap bar edi.

1956 senesi ukrain yazıcınıñ doğağanından 100 yıl olğanda, kitaphanege İvan Franko adını berdiler.

İşğal etilgen Qırımda eki teatrniñ adını endi deñiştirdiler. Böyleliknen, Aqmescitte Qırım Akademik Ukrain muzıkalı teatri endiden «Qırım Cumhuriyetiniñ Devlet akademik muzıkalı teatri» ola, Gоrkiy adına Rus akademik drama teatri ise – «Qırım akademik drama teatri» dep adlana.

Qırımtatar akademik muzıkalı-drama teatri de öz adını deñiştirip, devlet müessisesi olacaq.

XS
SM
MD
LG