Link açıqlığı

Uquq qoruyıcılar: qırımtatar faaliniñ öldürüvi sebеbinden cinaiy iş açıldı


Qırımtatar faalli Reşat Ametovnıñ öldürüvi sebebinden Ukraina Baş Prokuraturası cinaiy işni açtı.

Bunı İnsan aqları boyunca Qırım alan missiyası bildire.

«Vefat etkenniñ ağası aytqanı kibi, politsiya Reşat Ametovnıñ yaqalanuvına alâqası olğan şahıslarnı taptı, amma ne içündir bugünge qadar olarnı kimse qabaatlap yaqalamadı. Aynı zamanda Reşat Ametovnıñ ağası bir ay devamında onı zarar körgen taraf olaraq belgilegen vesiqalarnı elde etip olamay», – dep bildire uquq qoruyıcı.

Bu sene mart ayında Reşat Ametovnı arbiy kiyiminde olğan belgisiz şahıslar tutıp aldılar. Öldürilgen Reşat Ametov cemiyette faal bir insan edi. O, «referendum»ğa öz qarşılığını bildirmek içün Qırım Nazirler Şurası binasına kelip, belgisiz şahıslar tarafından esirge alındı.

XS
SM
MD
LG