Aqyarda cinayetçiler tarafından bozulğan türk askerleriniñ Memorialı ve oña olğan işaret tahtaçığı tüzetildi.
Bunı Qırım.Aqiqat saytına Qırım Azerbaycan cemiyetiniñ başı Ragim Gumbatov bildirdi.
«Aqyarda türk Memorialında baş taşlardan olğan timsaller tüzetildi, boyalandı, vandal areketeleriniñ aqibeti körünmey».
Onıñ aytqanı kibi, mında yol işaretleri de pekitildi.
«Türk tarafı Memorial işaretleri yerine qaytaracılığında emin degil edi. Olğan malümatqa köre, işaretler iyünniñ başında alındı. Bu aqqında tarif etken edik, şimdi ise keri qaytarmağa vaqıt keldi. Em de demir borular o vaqıt qaynaqnen bitiştirüv neticesinde devrildi, alınğannıñ yerine qaytarmasında yalıñız dört gaykanı çıqarıp, işaretni çıqarmayıp, yerinde deñiştirmege mümkün edi», – dey Gumbatov.
O şunı da bildirdi ki, uquq qorçalayıcılardan vandallarnıñ qıdıruv ketişatı aqqında malümatnı alâ daa elde etmek imkânsızdır.
Qırım Azerbaycan cemaatçılığınıñ başı Ragim Gumbatov evel bildirgeni kibi, Aqyarda oktâbr ayında Qırım cenki (1853-56ss) vaqtında elâk olğan türk asker ve zabitlerniñ hatırasına pekitilgen Abidege yol köstergiçlerini devirdiler. İşaretler Sapun-dağdan Aqyarğa olğan yol etrafında yerleştirilgen edi ve işbu Abidege yol köstere ediler. Abideni ise aramladılar.
Qırım cenki vaqtında elâk olğan türk askerlerine Abide Aqyarda yerleşe. Aqyarnıñ 1854-1856 ss muasarasında elâk olğan askerlerni türk orduları bulunğan yerlerniñ civarında köme ediler.
