Yerli vaqıt boyunca gece saat 1:00 Çeçenistan paytahtında üç maşina vastası ile areket etken silâlı insanlarnıñ taqımı yol-patrul hızmetiniñ noqtasına ucm etti. Neticede ucm etkenler Matbuat evinde qapandı, dep haber ete Rusiye agentlikleri.
«Vaqia yüz bergen yerge binanı blok etken FSB, MVD ve MÇS bölükleriniñ küçlerini celp ettiler»,– denile Rusiyeniñ Milliy antiterroristik komitetiniñ beyanatında.
Hızmetçiler arasında qurbanlar bar, Groznıy merkezinde «kontrterroristik ameliyatnıñ uquqiy rejimi» üküm sürmekte.
Çeçenistan yolbaşçısı Ramzan Kadırov ücüm etkenler politsiya kiyiminde olğanını qayd etti. O şunı da dey ki, «aydutlarnıñ yoq etilmesi boyunca ameliyat soñ derecesine keldi», Matbuat evinde «altı terrorist yoq etildi».
Çeçenistan Rusiyeniñ istiqrarsız bir regionıdır. 90-ncı seneyerde yerli akimiyet Cohar Dudayev ile Moskvadan mustaqilligini ilân etti, 1994 senesi Birinci çeçen cenki başlandı. Yıllar devamında qan tökülmesi neticesinde, Moskva Çeçenistannı kendi nezareti altına qaytardı.
