«Narodnıy front» fraktsiyası Ukrainanıñ bloktan tış statusından vazgeçüv qanun leyhasını qayd etti. Bunı dekabr 3-te Ukrinform bildire.
«Başqa qanun leyhalarına baqqanda, bizim vesiqamız Rusiyege sayğı köstermey. Ukraina bloktan tış statusından vazgeçse, memleketimizniñ NATOğa kirmek imkânı peyda olur», – dedi fraktsiya lideri Oleksandr Turçinov.
Neşirniñ malümatına köre, «Ukrainanıñ tışqı siyaseti ve milliy menfaatları printsiplerine dair bazı qanun deñişmeleri aqqında» №1014-2 qanun leyhasını «Narodnıy front» fraktsiyasınıñ lideri Oleksandr Turçinov ve fraktsiya deputatları Andriy Parubiy ve Serğiy Paşinskiy parlamentke teklif ettiler.
