Link açıqlığı

Qırımnıñ Büyük Yanköy qasabası çöplükke battı


İşğal etilgen Qırımnıñ Büyük Yanköy qasabasını (Mramornoye) çöplük qapladı. Qırım.Aqiqat mühbiriniñ malümatına köre, ev, qora ve terekler çöplük astında qaldı.

«Mında öyle bir manzara bar, şifahane qurmaq mümkün, adamlarnı tedaviylemek mümkün! Mında ise – çöplük obası. Bu yigirmi yıldan berli devam ete. Tabiat ve suvnı kirleteler, çöplük yansa – nefes almağa çare yoq», – dep aytalar yerli sakinler.

Qasaba sakinleriniñ bildirgenine köre, olarnıñ muracaat etmegen yerleri qalmadı, lâkin memurlar şikâyetlerge emiyet bermeyler.

​Çöplük obasından uçıp kelgen çöplükten qurtulmaq içün qasaba sakinleri küçük bir divar qurdılar. Yerli sakinler deyler ki, yazda turistler bu yerde toqtalıp, çöplükke batqan qasabanı fotoğa çıqaralar.

Yerli akimiyet çöplük obasına 90 biñ ruble ayırdı, mütehassıslar bu para yeterli olmağanını aytalar.

Qırımnıñ öz başına ilân etilgen rusiyeli akimiyetiniñ vadelerine baqmadan, Büyük Yanköy köyündeki çöplük felâketi yoq etilmedi.

2014 senesi fevral soñunda mart başında Rusiye ve Rusiyeniñ Qara deñiz flotunda olğan askerler Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.

XS
SM
MD
LG