Link açıqlığı

Rusiye bergi hızmeti qırımlılardan Ukraina banklarındaki esaplar aqqında malümatlarını talap ete


Rusiye bergi hızmeti işğal etilgen Qırım sakinleriniñ 2015 senesi yanvar 1-ne qadar Ukraina banklarında qapatılmağan esaplar aqqında malümat bermelerini istey. Bunı «Krım 24» malümat saytı Aqyar bergi hızmetiniñ idaresine esaslanıp bildire.

Neşirniñ malümatına köre, aynısını 2014 senesi mart 16-dan evel Qırım ve Aqyarda qayd etilgen yuridik şahıslar da yapmalı.

2015 senesi yanvar 1-ne qadar yuqarıdaki talaplarğa riayet etmegenlerni para cezası bekley.

Esap açılması, qapatılması ya da rekvizitlerniñ deñiştirilmesi aqqında malümat bermegen vatandaşlar 4-5 biñ ruble, 40-50 biñ ruble memurlar ve yuridik şahıslar 800 biñ – 1 mln. rub. para cezası olaraq ödecekler.

Zamanında malümat bermegen vatandaşlar 1-1,5 biñ rub., memurlar 5-10 biñ rub., yuridik şahıslar 50-100 biñ rublelik para cezasını ala bileler.

«Privatbank» reberi Aleksandr Dubilet dekabr 3-te bergen malümatına köre, Qırımnıñ işğalci akimiyetiniñ «Privatbank» müşterileriniñ cedveli yoq.

2014 senesi fevral soñunda mart başında Rusiye ve Rusiyeniñ Qara deñiz flotunda olğan askerler Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.

XS
SM
MD
LG