Link açıqlığı

Aqmescitte elektrik bölünüvi sebebinden zavodnıñ işi toqtaldı


«Simferopolselmaş» zavodınıñ işi elektrik bölünüvi sebebinden vaqtınca toqtaldı.

Bunı Qırımnıñ öz başına tayin etilgen akimiyetine yaqın olğan Krıminform saytı bildirdi, dep haber ete zavodnıñ tehnikiy müdiri Anatoliy Hudikov.

Onıñ aytqanı kibi, elektroenergiyanıñ söndirüv-berüvi elektron donatmalarnı işlemez alğa ketirdi, tezya motorları yandı.

«Elektroenergiyanıñ söndirilüvi şirketke menfiy ceetten tesir etti, çünki onıñ berilüvi ile bir faza boyunca yüksek kerginlik artqaç oldı, qoruv tertibatı çalışmağa yetiştirmedi ve bizde bayağı donatma yandı. Bunıñ ile tezyalarnıñ motorları da yanğan», – dep añlattı Hudikov.

O şunı da bildirdi ki, tezyalar tamiri, motor ve elektron qısımlarnıñ deñiştirüvi paalığa tüşer.

Yaqın zamanda – donatmanıñ deñiştirilmesine qadar – zavod çalışmaycaq, dedi Hudikov.

Saba, dekabr 3-de, Qırımnıñ bir sıra şeerleri ışıqsız qaldı. Qırım.Aqiqatqa Krımenergoda añlatqanları kibi, bu al limitlerniñ sıñırlı olğanı ile bağlı

XS
SM
MD
LG