Link açıqlığı

Saatnıñ esas haberi

Yanvar 1-den Aqmescit trolleybuslarında yol fiyatı 4,25 rubleden 5-ke köterilecek.

Bunı jurnalistlerge Qırım Cumhuriyetiniñ fiyat ve tarifleri boyunca «Devlet komiteti»niñ reisi Olga İgoşina bildirdi, dep haber ete Krım Media.

Onıñ sözlerine köre, «Krımtrolleybus» şirketi fiyatnı daa da köterip olamadı.

«Beş rublege çıqamız, amma, teessüf ki, daa da ziyade degil. Aylıqlarnıñ köterilüvi ile bağlı»,– dedi İgoşina.

Bunıñ ile «Krımtrolleybus» zenaat komitetiniñ reisi Antonina Yurasova aytqanı kibi, maliyet fiyatı – 17 ruble olacaq eken.

«Masraflar pek büyük, bergi ödemeleri çoqtır. İmtiyazlılar 80% teşkil ete subventsiyanı ise tam miqdarda ödemediler. Daima zararına çalıştıq, aylıqlarnı berip olamay edik. Şirketniñ inkişafına olacaq vastalar aqqında aytmayım bile. 5 ruble – şirketni ğayıp etecek bir fiyattır», – dey Yurasova.

İyünde, Qırım rublelerge keçkende, Aqmescitniñ trolleybuslarında yol fiyatı 5 rubleni teşkil ete edi. Amma avgust ayında prokuraturanıñ qarışuvı ile 4,25 ruble oldı.

XS
SM
MD
LG