«Rusiye demir yolları» Qırımğa Keriç keçitinden yüklerniñ yollanılmasını dekabr 6-na qadar sıñırladı.
Bu aqta şirketniñ bildirüvinde aytıla, dep haber ete İnterfaks-Ukraina.
Şirkette bunı «Keriç boğazında ava şaraitleri sebebinden gemilerniñ qatnavı sıñırlı olğanı» ile añlatalar.
Sıñırlav Kavkaz-Parom-Qırım parom keçitinden yollanılğan yükniñ er bir çeşitine ait. Onı dekabr 2 künü kirsettiler.
Saba, dekabr 3 künü, Keriç keçitinde em yük, em yolcu yolaqarında nevbetler saqlanıla edi. Yekâne naqliyat müdirligi Keriç keçitinde şiddetli yelniñ olacağı aqqında tenbiyeley.