Link açıqlığı

Qırım imamları yarımadada yaşağan musulmanlarnıñ meselelerini muzakere ettiler


Salı künü, dekabr 2-de, Qırım musulmanları diniy İdaresinde rayon imamlarnıñ nevbetteki er aylıq toplaşuvı keçirildi, mında Qırımnıñ çeşit regionlarında yaşağan musulmanlarnıñ müim meseleleri muzakere etildi.

Bunı Qırım Musulmanları diniy idaresiniñ matbuat hızmeti bildire.

Toplaşuvda tahminen 25 insan iştirak etti, olarnıñ arasında Qırım rayonlarınıñ imamları ve olarnıñ muavinleri iştirak etti. Toplanğanlarnı Qırım müftisi haci Emirali Ablayev selâmladı.

«O şunı qayd etti ki, musulman diniy hızmetleri, cemiyetler, Qırım musulmanları diniy idaresiniñ imamları Qırımda İslâmnıñ qaviyleşüvi, qırımtatar medeniyetine yaqın olğan adetiy Hanafit talimatınıñ tarqatuvı boyunca büyük bir işni becereler ve musulmanlarnıñ çeşit vaziyetlerinde yardımcı olalar», – dep haber ete matbuat hızmeti.

Mında fikh boyunca adetiy bir lektsiya keçti. Bu sefer «Günâh ve cemiyetke olğan tesir» mevzu muzakere etildi. Lektsiyanı Qırım müftisiniñ muavini Ayder İsmailov bildirdi.

XS
SM
MD
LG