Link açıqlığı

Ukraina Qırımğa elektroenergiya acımınıñ yalıñız yarısını bere, dep haber ete Qırımnıñ öz başına tayin etilgen baş naziri Sergey Aksönov jurnalistlerge.

Bunı Qırım «akimiyeti»niñ matbuat hızmeti bildire.

Onıñ aytqanı kibi, Ukrainadan berilgen energiyanıñ ölçüsi – 400 megavatt, başqası – yedek küçlerinden berile.

«Qırımlılar elektroenergiya berilmesinde bozuluvlarnı daa duymadı. Fikrimizge köre, atta böyle vaziyette biz er şeyni taqip ete bilemiz, amma Ukrainadan er şeyni beklemek mümkün. Faqat, ne yapsa-yapsınlar, bu olarğa keder ketirecegini de añlamaq kerekler», – dep haber ete Aksönovnıñ sözlerini matbuat hızmeti.

Saba, dekabr 3 künü, bir sıra şeerlerde ışıq ğayıp oldı. Şu cümleden, Aqmescit ve Kezlev yarıqsız qaldı.

Evel Ukraina energetika ve kömür sanayi naziri Yuriy Prodan aytqanı kibi, Kiyev Ukrainada energoteminlevniñ qıtlığı artqan olsa, o vaqıt işğal etilgen Qırımğa da energiya sıñırlavını kirsete bile.

XS
SM
MD
LG