Saba, dekabr 3 künü, bir sıra şeerlerde ışıq ğayıp oldı. Şu cümleden, Aqmescit ve Kezlev yarıqsız qaldı.
Bunı Qırım.Aqiqat saytına yerli sakinler bildirdi.
Böyleliknen, Aqmescitte saba Zalleskaya, Aq-meçet, Merkeziy çarşı ve Mata Zalka rayonlarında ışıq yoq. Svoboda rayonında da söndürüvler yüz bergen edi. Bu kibi malümatnı Kezlev sakinleri de bildirdi.
Qırım.Aqiqatqa Krımenergoda añlatqanları kibi, söndürüvder qazaiy vaziyet ile bağlı.
«Ukraina tarafından olğan qazaiy vaziyet ile bağlı. Anda deyler ki, şimdi bu plan boyunca olmağan söndürüv, mesele limitlerniñ sıñırlı olğanından kelip çıqtı», – deyler şirketniñ mesleat merkezinde.
Yarımada limitke kirgende, o vaqıt Qırımda elektroteminlevni ğayrıdan pekitirler.
Evel Ukraina energetika ve kömür sanayi naziri Yuriy Prodan aytqanı kibi, Kiyev Ukrainada energoteminlevniñ qıtlığı artqan olsa, o vaqıt işğal etilgen Qırımğa da energiya sıñırlavını kirsete bile.
