Link açıqlığı

Yuqarı Rada ukrain ükümetiniñ yañı erkânını tasdıqladı


Ukraina Yuqarı Radası Nazirler şurasınıñ erkânını tasdıqladı. №1008 qararına 288 halq deputatı rey berdi. Halq deputatları er bir namzetke ayrı-ayrı qol tuttılar, – dep haber ete Azatlıq Radiosı.

Halq deputatları baş nazirniñ regional inkişaf, qurucılıq ve mesken-kommunal hocalıq muavini vazifesinde Gennadiy Zubkonı tasdıqladılar («Poroşenko Blokundan» namzet), baş nazirniñ medeniyet muavini – Vâçeslav Kirilenko («Narodnıy front» fraktsiyası), baş nazir muavini – Valeriy Voşçevskiy (Lâşkonıñ radikal firqası), Nazirler şurasınıñ naziri – Anna Onişçenkonı («Narodnıy front») tasdıqladılar.

Bundan ğayrı, Sağlıq saqlav naziri vazifesinde Aleksandr Kvitaşvili («Poroşenkonıñ Bloku»), iqtisadiyat inkişafı ve ticare naziri – Ayvaras Abromaviçus («Poroşenkonıñ Bloku»), Maliye naziri – Natalya Yaresko («Poroşenkonıñ Bloku»), Tasil naziri – Sergey Kvit («Poroşenkonıñ Bloku»), Energetika ve kömür sanayı naziri – Vladimir Demçişin («Poroşenkonıñ Bloku») taslıqladı.

İçki işler naziri Arsen Avakov («Narodnıy front» namzeti) oldı, Adliye naziri – Pavel Petrenko («Narodnıy front»), Gençlik ve sport naziri – İgor Jdanov («Rodina» fraktsiyası), Agrar siyaset naziri – Aleksey Pavlenko («Samopomoşç») oldı.

İçtimaiy siyaset naziri Pavel Rozenko («Poroşenkonıñ Bloku», infrastruktura naziri Andrey Pivovarskiy («Poroşenkonıñ Bloku») oldı.

Halq deputatları malümat siyaseti naziri vazifesinde Yuriy Stetsni tasdıqladılar.

Malüm olğanı kibi, salı künü, dekabr 2-de, Ukraina Yuqarı Radası tışqı işler naziri vazifesine Pavlo Klimkinni tayin etti. Buña sessiya zalında qayd etilgen 383 halq deputatından 351 kişi qol tuttı.

Ukraina Yuqarı Radası salı künü, dekabr 2-de, Stepan Poltoraknı Ukraina mudafaa naziri vazifesine tayinledi. Buña 347 halq deputatı qol tuttı.

XS
SM
MD
LG