Salı künü, dekabr 2-de, Ukraina Yuqarı Radası tışqı işler naziri vazifesine Pavlo Klimkinni tayin etti. Buña sessiya zalında qayd etilgen 383 halq deputatından 351 kişi qol tuttı, – dep haber ete UNİAN.
Neşirniñ malümatına köre, Pavlo Klimkin 1967 senesi dekabr 25-te Kursk şeerinde dünyağa keldi. 1991 senesinde Moskva fizik-tehnik institutınıñ aerofizika ve kâinat tedqiqler fakultetinde fizika ve riyaziyat zenaatından mezun oldı.
1991-1993 seneleri – Ukraina ilimler Milliy akademiyasınıñ ilmiy hadimi, Paton adına qaynaqnen bitiştirüv İnstitutı. 1993-1997 seneleri – Ukraina İçki işler nazirliginiñ silâ ve silâsızlıq nezaret idaresiniñ üçünci, ekinci kâtibi.
1997-2000 – Ukrainanıñ Almaniyadaki elçihanesiniñ üçünci, ekinci kâtibi (ilmiy-tehnik ve siyasiy meseleler). 2000-2004 seneleri Ukraina tışqı işler naziri olğan edi.
2004-2008 seneleri – Büyük Britaniyada Ukraina Elçihanesiniñ mesleatçısı. 03.2008 itibaren 04.2010 qadar – Ukraina Tışqı işler nazirliginiñ Avropa Birligi Departamentiniñ müdiri.
06.2012 itibaren 06.2014 qadar – Ukrainanıñ Almaniyadaki fevqulâde ve vekâletli elçisi.
2014 senesi iyün 19-da Ukraina tışqı işler naziri vazifesine tayin etildi.
