Link açıqlığı

Saatnıñ esas haberi

Matbuat vastaları: Ukraina Qırımğa berilgen elektrik energiyasını qısqarta bile


Ukrainada energiya qıtlığı artsa, işğal etilgen Qırımğa berilgen elektrik energiyası qısqartılacaq, – dep haber ete TASS Ukraina energetika ve kömür sanayı naziri Yuriy Prodannıñ aytqanlarına esaslanıp.

Berilgen malümatqa köre, energetika naziri dey ki, al-azırda Qırım 800 MVt qullana.

«Olar bundan ziyadesini qullansalar, ağ (elektrik) söndürilecek», – dedi o.

Prodannıñ aytqanına köre, «qıtlıq quvetlense», Ukraina Qırımdan qullanğan elektrik energiyasını qısqartmağa talap etecek.

«Olar istegenimizni riayet etmeseler, bu ağ da (ekinci LEP. – TASS) söndürilecek», – dep tekrarlay neşir Rusiye naziriniñ aytqanlarını.

Al-azırda Ukraina Qırımğa elektrik energiyasını Ukrinterenergo müessisesi üzerinden bermekte.

Malüm olğanı kibi, işğal etilgen Qırımda noyabr 26-da ışıq söndürilmesiniñ qazaiy cedveli kirsetildi. Elektrik energiyası dört yüksek voltlı ağdan birinden berile edi.

Soñra bu cedvelni lâğu ettiler, lâkin o kene de kirsetile bile.

XS
SM
MD
LG