Link açıqlığı

Cemilev: qırımtatarlarnı Rusiye silâlı quvetleriniñ artması raatsızlay


Qırımtatarlarnıñ lideri Mustafa Cemilevni Qırımda, Herson vilâyeti ile sıñırda, Rusiye silâlı quvetleriniñ artması raatsızlay. Onıñ aytqanına köre, qırımtatarlarğa bu yerlerni terk etmege tevsiye eteler.

Bunı o Qırım.Aqiqat mühbirine bildirdi.

«Bizni memleketniñ cenübinde üküm sürgen vaziyet raatsızlay – anda quvetlerniñ sayısı arta, lâkin akimiyet şimdilik Ukraina tarafından Herson vilâyetinde bir şey yapmay. Azırlıq kete (Rusiye askerleri tarafından – muarrir), adamlarğa, iç olmasa, qırımtatarlarğa bu yerni terk etmege bile teklif eteler. Ne sebepten qırımtatarlarğamı teklif eteler? Añlaşıla ki, arbiy areketler başlasa, olarnıñ ukrain quvetlerine yardım etmelerinden qorqalar», – dedi Cemilev.

Ukraina Devlet sıñır hızmeti bildirdi ki, Rusiye Qırım yönelişinde silâlı quvetlerni pekite. Aynı malümatnı Ukraina RNBO merkezi de tasdıqlay.

Rusiye prezidenti Vladimir Putin Mudafaa nazirligi tarafından azırlanğan Qırımda arbiy gruppirovkanıñ meydanğa ketirilmesi ve inkişafı ayrı programması aqqında bildirgen edi.

NATO ve Ukraina Qırımda Rusiye ordusınıñ bulunmasını takbih ettiler. Dekabr 2-de Brüsselde olıp keçken körüşüv neticesinde NATOnıñ 28 memleketi ve Ukrainanıñ qabul etken qararı da bunı isbatlay.

XS
SM
MD
LG