Link açıqlığı

Saatnıñ esas haberi

Rusiye naziri: Qırımda keçici devir müddeti uzanmaycaq


Qırımda 2015 senesi yanvar 1-ne qadar olacaq keçici devir müddetini uzatmaycaqlar.

Bunı Qırım işelri boyunca Rusiye naziri Оleg Savelyev bildirdi, dep haber ete RİA Novosti agentligi.

Onıñ sözlerine köre, yañı yıldan yarımadada Rusiye qanunlarınıñ işlenmesinde bazı hususiyetler saqlanıla bile.

«Söz keçici devir müddetiniñ uzatuvı aqqında degil de, Qırım federal okrugında Rusiye Federatsiyası qanunlarınıñ mahsus hususiyetleri aqqında ketmekte, ve bu al çeşit sebeplerge, şu cümleden tış siyasiy sebeplerge bağlıdır», – dedi Savelyev.

Şu cümleden, o, topraq ve mülk munasebetleriniñ idaresi aqqında hatırlattı. Bundan da ğayrı, qırım şirketlerniñ ğayrıdan qayd etüv müddeti 2015 senesi mart 1-ne qadar uzandı.

Savelyev şunı qayd etti ki, Qırım içün şirketlerniñ resmiyleştirüv meselesi ğayet müimdir, çünki Rusiye qanunlarınıñ er bir talabı Qırımda tez sürette amelge keçirilmez.

Evel Qırımnıñ öz başına tayin etilgen baş nazir Sergey Aksönov Rusiye prezidenti Vladimir Putinniñ adına muracaatnı imzaladı. Mında keçici devir müddetini 2016 senesi yanvar 1-ne qadar uzatmağa rica etken edi.

XS
SM
MD
LG