Link açıqlığı

Cemilev Erdoğan ve Putinniñ körüşüvi aqqında: Türkiye öz mevzimeleriniñ pekitilmesine diqqat ayıra


Ankara öz mevzimeleriniñ pekitilmesine diqqat ayırmaqtadır.

Ankarada dekabr 1 künü keçirilgen eki devlet Türkiye ve Rusiye başlarınıñ körüşüvi aqqında bu kibi izaat Ukraina prezidenti yanında qırımtatar halqınıñ işleri boyunca vekâletli Mustafa Cemilevniñ resmiy Facebook saifesinde aşkâr etildi.

Bildirüvde yazılğanı kibi, Rusiye eyyetiniñ Ankarağa etilgen bir künlük devlet ziyareti eki devlet başlarınıñ umumiy matbuat-konferentsiyası ile bitti. Konferentsiya eki saat devam ete edi, mında Türkiye prezidenti, Cemilevniñ fikrine köre, qırımtatar halqınıñ işğal şaraitlerinde olğan taqdiri aqqında az buçuq laf yürütti.

«Türkiye prezidenti, kergin siyasiy meselelerge rastkelmemek içün, iqtisadiy suallerge diqqat etti, – denile beyanatta, – Qırım işğali aqqında aytqanda, Recep Tayyip Erdoğan qırımtatar halqı – qardaş halq olğanı sebebinden ep diqqat altında olğanını qayd etti. Türkiye prezidenti, Vladimir Putinniñ işğal etilgen Qırımda alıp baracaq qavmiy siyaseti aqqında vadelerini hatırlatıp, insan aqlarınıñ qorçalavı boyunca meseleler olsa, olarnı bivasta şekilde çezmek mümün olğanını ayttı».

«Netice olaraq 8 ay evelsi olğan neticelerni aytmaq mümkün: Türkiye Rusiyeniñ Qırımdaki istilâsına qarşı mustaqil şekilde adım etip olamaz. Buña devletniñ iqtisadiy, energetik tabiligi ve ciddiy tış siyasiy vaziyet keder ete», – denile beyanatta.

Dekabr 1 künü Ankarada Rusiye prezidenti Vladimir Putinniñ Türkiye başı Recep Tayip Erdoğan ile körüşüvi keçti.

Mında Rusiye tarafından işğal etilgen Qırımğa qırımtatarlarnıñ liderleri Mustafa Cemilev ve Refat Çubarovnıñ kiriş yasaqlığı muzakere etilmek kerek edi.

XS
SM
MD
LG