Qırımnı tahminen 20 biñ insan terk etti, olardan 10 biñ qırımtatarıdır.
Bunı 112 Ukraina telekanalınıñ efirinde Qırımtatar Milliy Meclis reisi Refat Çubarov bildirdi.
«Tam bir raqam şimdilik yoqtır, amma Qırımnı tahminen 20 biñ insan terk etkeni aqqında ayta bilemiz, olardan 7-8, 10 biñge qadar – qırımtatarlarıdır. Esasen gençler, soñki 10 yıllar içerisinde ösken ve ekileme, üçleme standartlarnı qabul etip olamağan gençler, olarda (gençlerde – muar.) itibar bar», – dedi Çubarov.
O şunı da qayd etti ki, Qırımnı terk etkenlerniñ arasında – studentler ve ATO zonasında iştirak etken qırımlılar.
Ukraina vatandaşlarınıñ içtimaiy teminlev sualleri boyunca müessiselerara idare ştabınıñ soñki malümatına köre, Qırım Muhtar Cumhuriyeti ve Aqyar şeerinden diger regionlarğa köçip ketken insanlarnıñ sayısı – 19 biñ 585 insan. ATO zonasınlan – 487 biñ 762 insan.
