Link açıqlığı

Saatnıñ esas haberi

Türkiyede insanlar Putinniñ ziyaretine qarşı çıqtı ve qırımtatarlarnı qorumağa talap ettiler


Türkiyede Qırımtatarlarnıñ medeniyet ve yardımlaşma derneginiñ yolbaşçılığı ve Gençlik komissiya azaları bazarertesi künü, dekabr 1-de, Rusiye Federatsiyası prezidenti Vladimir Putinniñ ziyaretine qarşı narazılıq aktsiyasını ötkerdiler.

Qırım.Aqiqat mühbiri bergen malümatına köre, Ankara şeeriniñ meydanında tahminen 300 insan toplanıldı.

Numayış iştirakçileri Rusiye prezidentinden qırımtatar halqına basımnı toqtatmağa talap etti.

Çoqusı ellerinde yarımadanıñ işğali vaqtında ğayıp olğan qırımtatarlarnıñ fotosüretlerini tuta edi. Bunıñ ile toplanğanlar «Putin, Qırımdan yoq ol!» şiarını seslendire ediler.

Dekabr 1 künü Rusiye prezidenti Vladimir Putin Türkiye prezidenti Tayip Recep Erdoğan ile körüşmek içün Türkiyege keldi.

Aqmescitte akimiyet tarafını tutqan qırımtatar teşkilâtları bu körüşüvge qol tutuv mitingini keçirdiler.

Evel Qırımtatar Milliy Meclisi Qırım.Aqiqatqa bildirgeni kibi, Putin ile körüşüvde Türkiye prezidenti Qırımnıñ tamır halqı vaziyetini ve yarımadağa qırımtatarlarnıñ liderleri Mustafa Cemilev ve Refat Çubarovğa kiriş yasağınıñ lâğu etilmesini muzakere etmek kerek edi.

Noyabr 25 künü Mustafa Cemilev ve Meclis reisi Refat Çubarov da Türkiye yolbaşçılığı ile bir sıra körüşüvlerni keçirdiler.

XS
SM
MD
LG