Link açıqlığı

Saatnıñ esas haberi

Avropa şurasınıñ yolbaşçısı Donald Tusk oldı


Donald Tusk
Donald Tusk

Poloniyanıñ sabıq baş naziri Donald Tusk bazarertesi künü, dekabr 1-de, Avropa şurasınıñ prezidenti işine başladı, – dep haber ete RBK Reuters agentliginiñ malümatına esaslanıp.

Tusktan evel 2009 senesinden itibaren bu vazifede Herman Van Rompuy bulunğan edi.

«Bizde yalıñız skeptikler degil, duşmalarımız da bar. Siyasiy ayat Avropağa keri qayttı. Tarih keri qayttı. Bu zamanda emin bir reberlik ve siyasiy birlik kerek», – dedi siyasetçi.

Donald Tusk çıqışta bulunır eken, kendi sıñırlarını qorumaq ve onıñ bu qıymetlerine qoltutqanlarğa yardım etmek kerekligini qayd etti.

O, kelecek sene Avropa ve AQŞ arasında munasebetler içün ğayet müim olacağını ayttı.

Neşirniñ malümatına köre, Tusknıñ bu vazifede ilk müim vaqialardan biri dekabr 18-19 künleri Avropa yatırım fondu boyunca añlaşma baqılması olacaqtır.

Avropa birliginiñ 28 memleket lideri bu meseleni muzakere etmek kerekler.

Donald Tusk sentâbr 9-da Poloniya baş nazir vekâletlerini yekünledi. Avropa şurasınıñ prezidenti vazifesine onı avgust 30-da Brüsselde Avropa birligini sammitinde sayladılar.

XS
SM
MD
LG