Link açıqlığı

Meclis reisiniñ muavini Cemilev ile acele sürette körüşmek içün Qırımdan Kiyevge yol aldı


Qırımtatar milliy Meclis reisiniñ muavini Ahtem Çiygoz bazarertesi künü, dekabr 1-de, Kiyevge qırımtatar milliy lideri Mustafa Cemilev ile körüşmek içün Kiyevge yol aldı. Bunı qırımtatar milliy Meclis reisiniñ muavini Nariman Celâl bildirdi,– haber ete QHA.

«Ahtem Çiygoz Kiyevge Mustafa Cemilev ile qırımtatar halqınıñ müim suallerini muzakere etmek içün yolaldı», – dedi Nariman Celâl.

O şunı da qayd etti ki, ukrain akimiyetiniñ temsilcileri ile körüşüv de ola bile.

​Qırım.Aqiqat saytı bergen malümatqa köre, bazarertesi künü, dekabr 1-de, işğal etilgen Aqmescitte Rusiye prezidenti Vladimir Putinge qol tutuv mitingi keçti. O, bugün Ankarada Türkiye yetekçisi Recep Tayip Erdoğan ile körüşe.

Qırımtatar milliy Meclis azası Refat Çubarov Rusiye ve Türkiye prezidentleri Vladimir Putin ve Recep Tayin Erdoğannıñ dekabr 1-de Ankarada ötkerilecek körüşüvlerini alğışlamaq içün qırımtatarlarnı meydanğa yollağanları aqqında bildirgen edi. Onıñ aytqanına köre, meydanğa memur, oca, ekim ve studentler kelmege mecburlar.

Şunı da qayd etmek kerek ki, sana yanında qırımtatar milliy Meclis reis muavini Ahtem Çiygoz da köründi. O, sanağa çıqacaq edi, amma oña sport kiyiminde olğan insanlar bunı yapmağa keder etip, meydandan alıp kettiler.

Evel qayd etilgeni kibi, Türkiye akimiyeti Rusiye yolbaşçılığı ile Qırımğa qırımtatarlarnıñ liderleri Mustafa Cemilev ve Refat Çubarovnıñ kiriş yasağı aqqında söz yürütmek kerek edi.

XS
SM
MD
LG