Yaqında Ukrainada Qırım tarihı boyunca çıqqan kitap «metnlerniñ ğayeviy ceetten yañlış olğanı» sebebinden Rusiye tarihiy cemiyetiniñ temsilcilerinde suallerni doğura. Bunı dekabr 1 künü Rusiye ilimler akademiyasınıñ Rusiye tarihı İnstitutınıñ müdiri Yuriy Petrov bildirdi.
Krıminform haber etkeni kibi, bu kibi bildirüvni Petrov Rusiye Federatsiyasınıñ devlet duması reisi Rusiye tarihiy cemiyetiniñ Qırım bölügi vekilleri ile körüşüvinde seslendirdi. Mında yarımadanıñ tarihı boyunca büyük bir monografiyanıñ neşir etilmesi muzakere etilgen edi.
«Yaqında Qırımnıñ ukrain tarihı çıqtı ve oña bayağı sualimiz bar. Ğayeviy basımnıñ izleri olğan bir tarihtır», – dedi tarihçı.
Rusiye tarihınıñ institutı, müdirniñ sözlerine köre, bam başqa bir işni yapmağa istey.
Olacaq monografiya, onıñ aytqanı kibi, «Qırımnıñ moskva tarihı» olmamalı, şunıñ içün qırım tarihçıları ile yazılacaq.
2014 senesi fevral soñunda mart başında Rusiye ve Rusiyeniñ Qara deñiz flotunda olğan askerler Qırım yarımadasını işğal ettiler.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.
