Link açıqlığı

Çalıy Rusiye deputatlarını Qırımda üyle yemeklerini kendi esaplarına keçirmege çağıra


Aqyarınñ «Uquq çıqarıcı» toplaşuvnıñ reisi Aleksey Çalıy Rusiye memur ve deputatlarını Qırımda keçici devir qıyınlıqlarını añlamağa ve mında tantanalı üyle yemek ve ziyaretlerini başqa vaqıtqa qaldırmağa çağıra.

Bunı o, dekabr 1 künü Aqmescitte Rusiye Devlet duması spikeri Sergey Narışkin ile keçirilgen toplaşuvda bildirdi, dep haber ete Qırım.Aqiqat mühbiri.

«Devlet duma deputatlarını vaziyetimizni añlamağa çağıramız. Biz Rusiye Federatsiyasınıñ diger subyektlerinden biraz farqlanamız. Şunıñ içün tantanalı körüşüv ve qabul etken tarafınıñ esabına keçirilgen ziyaretlerni eyi vaqıtlarğa qaldırmağa rica etemiz», – dedi Çalıy.

Bu bildirüvden tebessümler peyda oldı ve el çırpmalar qoptı.

«Tantanalı körüşüvler aqqında olğan lafıñız aqqında aytacaq olsaq, Rusiye devlet dumasınıñ deputatları ile böyle bir şey olğanını bilmeyim. Menimce, bunı original olmaq içün ayttıñız»,– dedi birazdan Narışkin.

Sergey Narışkin Rusiye deputatları ile dekabr 1 künü işğal etilgen Qırımda buluna.

2014 senesi fevral soñunda mart başında Rusiye ve Rusiyeniñ Qara deñiz flotunda olğan askerler Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.

XS
SM
MD
LG