Link açıqlığı

Qırımda yolcular ile parom ava şaraitlerinden sebep bir qaç saat devamında yalığa yaqlaşıp olamadı


İşğal etilgen Keriçte yolcular ile gemi ava şaraiti sebebinden yalığa yaqınlaşıp olаmağanından, bir qaç saat devamında Keriç keçitinde lengerde turğan edi. Bu aqta malümat bazarertesi künü, dekabr 1-de, içtimaiy ağlarda peyda oldı.

İşğal etilgen Keriç sakini Oleg İsançenko «VKontakte» ağında yazğanı kibi, gece saat 2-de «Olimpiada» paromı «Kavkaz» limanından çıqtı. Qırq daqiqadan soñra Keriç boğazında lengerni taşladı ve kapitan yolcularğa parom ava şaraitleriden sebep yalığa yaqlaşıp olamağanını bildirdi.

«6:40 ve biz «Olimpiada» paromında endi 4 saat devamında boğazda oturamız. Yolcular kim-nasıl yuqlay, çaylar içildi, çipsalar aşaldı. Yahşı ki, paromda sıcaq ve televizorlar çalışa. Meraqlı, ebet, çünki yel yoq desek de olur», – dey sakin.

Soñra Oleg İsaçenko qoştı: «8:30, paromda çipsalardan ğayrı başqa iç bir aş yoq. Kapitan bir şey yapıp olamay, yolcular Fevqulâde vaziyetler nazirligini çağırmağa talap eteler».

Birazdan soñ o şunı da qoştı ki, saba saat 9-da «Krım» limanından «İonas» paromından çıqtı, şunıñ içün «Olimpiada» paromı lengerni köterip, Qırımğa taba yol aldı.

Yekâne naqliyat müdirliginiñ matbuat hızmeti işbu malümatnı izaatlamay.

Evel qayd etilgeni kibi, noyabr 30 – dekabr 1-ne keçer gecesi şiddetli yel sebebinden Keriç keçitinde iş toqtatılğan edi. Sabağace yel sakinleşti, keçitte sınav seferlerni etmege başladılar.

XS
SM
MD
LG