Tahminen üç yüz insan, hususan talebe ve cumhuriyetniñ bücet saalarında çalışqan insanlar, Aqmescitte Lenin meydanında Rusiye prezidenti Vladimir Putinge qol tutmaq içün toplandılar. Putin dekabr 1 künü Ankarada Türkiye yetekçisi Recep Erdoğan ile körüşe. Miting ziddiyetten başlandı.
Qırım.Aqiqat mühbiri aytqanı kibi, miting teşkilâtçısı Remzi İlyasovnıñ yolbaşçılığında «Qırım» areketi oldı. Bunıñ ile insanlar arasında yalıñız eki qırımatatаr bayrağı, bir on dane – Rusiye, Türkiyeniñ bayrağı iç yoq edi.
Mitingniñ başında Qırım «Reskomnats» reis muavini Nadir Nomanov ve gençler arasında ziddiyet yüz berdi. Şu cümleden, gençler Rusiye bayraqlarını kötermemek teklif ete edi, Nomanov ise olarnı tarikçiler olaraq adladı.
Bundan soñ qırımtatar gençleri, «Qırım» areketi plakatlarını yırtıp, meydandan kettiler.
Qırım.Aqiqat mühbiri ile qonuşqan miting iştirkçileri tedbirniñ Rusiye bayraqları altında keçkeni sebebinden açuvlana ve bundan haberleri olmağanını qayd eteler.
Meydandan pekitilgen sanadan «spiker-muavini» Remzi İlyasov, «baş nazir muavini» Ruslan Balbek, «Reskomnats» başı Zaur Smirnov çıqışta bulundılar. Olar Putin ve Erdoğannıñ körüşüvinden müsbet neticelerni beklegeni aqqında bildirdiler.
«Türkiye – Rusiyege nisbeten cezalarnı kirsetmegen memleketlerden biridir. Bizim strategik şerikimizdir»,– dedi Smirnov.
Şunı da qayd etmek kerek ki, sana yanında qırımtatar milliy Meclis reis muavini Ahtem Çiygoz da köründi. O, sanağa çıqacaq edi, amma oña sport kiyiminde olğan insanlar bunı yapmağa keder etip, meydandan alıp kettiler.
Miting yarım saat devam etti. Onı Qırım ve Rusiye telekanalları videoğa çıqardılar. Bazıları canlı yayınlavnı alıp bardı.
Qırımtatar milliy Meclis azası Refat Çubarov Rusiye ve Türkiye prezidentleri Vladimir Putin ve Recep Tayin Erdoğannıñ dekabr 1-de Ankarada ötkerilecek körüşüvlerini alğışlamaq içün qırımtatarlarnı meydanğa yollağanları aqqında bildirgen edi. Onıñ aytqanına köre, meydanğa memur, oca, ekim ve studentler kelmege mecburlar.
Hatırlatamız, noyabr 30-da, Qırımda qırımtatar halqı Cemaat şurasınıñ konferentsiyası olıp keçti. Onı Qırımtatar Milliy Meclisiniñ muhalifeti «Qırım birligi» teşkil etti. Tedbirde yañı Qırımtatar Milliy Qurultayınıñ keçirilmesine azırlıq başlağanını bildirdiler.
Türkiyedeki qırımtatar dernekleriniñ yolbaşçısı Ünver Sel bu qurultaynı «tarihiy vaqia» dep adladı.
«Qırım birliginiñ» reisi Seytumer Nimetullayev bildirdi ki, dekabr 1-de, Ankara ava limanında Rusiye prezidentine qol tutuv aktsiyası ötkerilecek. Onı Türkiye diasporası teşkil ete eken. Aman-aman 500 insan «Türkiyedeki qırımtatar dernekleriniñ federatsiyası Putinni alğışlay» ve «Qırımtatar halqınıñ Cemaat Şurası Putinni alğışlay» levhalarınen çıqacaq ola.
