Rusiye prezidenti Vladimir Putin Qırımda kütleviy matbuat vastaları saasında uquqiy munasebetlerniñ hususiyetleri aqqında qanunnı imzaladı. Oña köre, Qırımda resmiyleştirilgen matbuat vastaları 2015 senesi aprel ayına qadar devlet bergisini tölemeycekler.
Vesiqa Kreml saytında aşkâr etildi.
«Qanun 2015 senesi aprel 1-ne qadar Qırım Cumhuriyeti ve Aqyar şeerinde mahsulatnıñ tarqatuvını musaade ete, şu cümleden Ukraina devlet organları tarafından berilgen litsenziya esasında tele ve radioyayınlavnıñ alıp baruvı. Bu qayddan evel matbuat vastalarnıñ reysmiyleştirüvi devlet bergisi olmadan etilecek», – denile beyanatta.
Evel haber etilgeni kibi, Qırımda yarım yıl devamında Rusiye qanunlarına köre qırım matbuat vastalarınıñ 15% ğayrıdan qayd etildi.
