Link açıqlığı

Saatnıñ esas haberi

Çubarov: qırımtatarlarnı Aqmescit meydanında toplap, Putin ve Erdoğannıñ körüşüvini alğışlamağa zorlaylar


Rusiye ve Türkiye prezidentleri Vladimir Putin ve Recep Tayin Erdoğannıñ dekabr 1-de Ankarada ötkerilecek körüşüv künü Qırımda devletke çalışqan qırımtatarlarnı yerli vaqıtqa köre saat 13:00 ötkerilecek aktsiyağa yollaylar.

Bunı Qırımtatar Milliy Meclis reisi Refat Çubarov Facebook saifesinde bildirdi.

Onıñ malümatına köre, meydanğa memur, oca, ekim ve studentler kelmege mecburlar.

«Maqsat – Putinniñ Türkiye ziyareti kününde parlaq levhalarnı azırlamaq, «qırımtatarlarnıñ raat yaşayışını köstermektir...», – dedi Çubarov.

İşbu tedbir nasıl şekilde ve angi şiar altında keçirilecegi belli degil.

Hatırlatamız, noyabr 30-da, Qırımda qırımtatar halqı Cemaat şurasınıñ konferentsiyası olıp keçti. Onı Qırımtatar Milliy Meclisiniñ muhalifeti «Qırım birligi» teşkil etti. Tedbirde yañı Qırımtatar Milliy Qurultayınıñ keçirilmesine azırlıq başlağanını bildirdiler.

Türkiyedeki qırımtatar dernekleriniñ yolbaşçısı Ünver Sel bu qurultaynı «tarihiy vaqia» dep adladı.

«Qırım birliginiñ» reisi Seytumer Nimetullayev bildirdi ki, dekabr 1-de, Ankara ava limanında Rusiye prezidentine qol tutuv aktsiyası ötkerilecek. Onı Türkiye diasporası teşkil ete eken. Aman-aman 500 insan «Türkiyedeki qırımtatar dernekleriniñ federatsiyası Putinni alğışlay» ve «Qırımtatar halqınıñ Cemaat Şurası Putinni alğışlay» levhalarınen çıqacaq ola.

XS
SM
MD
LG