Link açıqlığı

Saatnıñ esas haberi

Putin Türkiyede arbiyler meselesi aqqında qonuşacaq


Bazarertesi künü Rusiye prezidenti Vladimir Putin Türkiye zenaatdaşı Recep Tayip Erdoğan ile Ankarada körüşmeli, dep haber ete Azatlıq Radiosı.

Rusiye prezidentiniñ tışqı siyaset mesleatçısı Yuriy Uşakov bildirdi ki, körüşüv Suriye meselesinen bağlı olacaq.

«Boyevikler azırlıq körgen Türkiyedeki lagerler aqqında da söz yürsetilecek», – dedi Uşakov.

Putin ve Erdoğan energetika saasında işbirligini, şu cümleden Rusiye tabiiy gazınıñ ucuzlaştırılması ve qışta italât arttırılmasını muzakere etecek olalar.

Rusiye Suriye prezidenti Başar al-Asadnıñ baş ittifaqdaşı olıp qala, lâkin Erdoğan Suriye prezidentiniñ devirmesini istey. Ankaranı Rusiyeniñ Qırım işğali ve qırımtatar halqı uquqlarınıñ bozulması da raatsızlay.

Qırımtatar Milliy Meclisi Qırım.Aqiqatqa bergen malümatına köre, Türkiye prezidenti Pütin ile körüşip, Qırımda tamır halqnıñ vaziyeti ve qırımtatar halqınıñ liderleri Mustafa Cemilev ve Refat Çubarovnıñ yarımadağa kiriş meselesi aqqında qonuşmaq niyetinde.

XS
SM
MD
LG