Link açıqlığı

Saatnıñ esas haberi

Ruzgâr Keriç keçitiniñ işini toqtattı


Noyabr 30-dan dekabr 1-ne keçer gecesi Keriç keçitiniñ işi ruzgârdan sebep toqtatıldı. Sabağa yaqın yel tındı, keçitte ilk seferlerge başlamağa tırışalar.

Bunı Yekâne naqliyat müdirliginiñ matbuat hızmeti bildire.

«Gece Keriç keçitindeki iş ruzgâr sebebinden toqtatıldı, yel süratı saniyede 17-20 metrni teşkil etken edi. Lâkin saba saat 8:00 yel tındı, şimdi onıñ süratı saniyede 15 metrni teşkil ete. Al-azırda paromlar ilk seferlerge başladılar. Lâkin keçitniñ işi ava vaziyetine bağlı», – dep qayd etti müdirlik.

Nevbetçiniñ soñki malümatlarına köre, dekabr 1-de saba «Kavkaz» limanında 300 yengil maşina ve 230 yük maşinası, «Qırım» limanında ise 10 yengil maşina ve 30 yük maşinası nevbetini bekley.

Tünevin 1500 maşina (şu cümleden yük maşinaları) ve 4500 insan alıp ketirildi.

«Novorossiysk» limanında 280 maşina, Slavânsk-na-Kubanda 385 yük maşinası, Keriç ava limanında 190 maşina yüklenmesini bekley.

Müdirlikniñ malümatına köre, şimdilik yük yolu olaraq yalıñız «Novorossiysk» limanı çalışa. «Sevastopol» limanında tamir işleri keçirile.

XS
SM
MD
LG