Yarımada doquz ay devamında Moskvadan tayin etilgen işğalci memuriyetiniñ ükümdarlığı altında yaşay. Bu yalıñız bayraqnıñ deñiştirüvi degil. Doquz ay devamında sürgen bir aqsızlıqtır. Qırımlılarnıñ siyasiy, vatandaş ve medeniy aqları bozuluvınıñ doquz ayıdır.
Faaller – Yevromaydan iştirakçileri, ukrain arbiy bölüklerine yardım köstergenler ve Meclis azaları ve tarafdarları – olar Rusiye Federatsiyasınıñ cezalav organlarınıñ taqibi astına birinci nevbette tüştiler.
Şimdi Qırımda insan aqları ile bağlı vaziyet nasıldır ve Ukraina vatandaşlarını, şu cümleden Oleksandr Kolçenko ve Oleg Sentsovnı, azat etmek içün ne yapacaq – bu er şey «24» haber telekanalında «Qırım.Aqiqat» leyhanıñ yañı yayınında muzakere etilecek.
Studiya musafiri – Ukraina çetel işler nazirliginiñ mahsus avaleleri boyunca elçisi Dmıtro Kuleba ve «Birdemlik komiteti»niñ azaları Оleksandra Romantsova ve Maksim Bütkeviç.
Programma cumaertesi künü saat 18:30 (Aqmescit vaqtı boyunca saat 19:30) ve bazar künü saat 11:30 (Aqmescit vaqtı boyunca saat 12:30) efirge çıqa.
Azatlıq Radiosı ve Qırım.Aqiqat saytlarında ise saat 18:30 (Aqmescit vaqtı boyunca saat 19:30) peyda olacaq.
Azatlıq Radiosınıñ yañı leyhası – işğal etilgen Qırım vaziyetini bilmege istegen insanlar içün azırlandı.
