İşğal etilgen Qırımda Keriç parom keçitiniñ işi ğayrıdan pekitile. Yekâne naqliyat müdirligi bergen malümatqa köre, noyabr 28-ne, keçit normal bir tarzda çalışa.
Soñki malümatqa binayen, «Kavkaz» limanında nevbette 150 maşina, «Krım» limanında – 100 maşina nevbetni bekley.
Al-azırda Keriç keçitinde ava şaraitleri güzel. «İonas», «Olimpiada», «Krım» ve «Glükofilousa» paromları yüre.
Evel aytılğanı kibi, afta başında keçit furtuna sebebinden teneffüsler ile çalışa edi. Afta soñuna ava güzelleşti, amma nevbetler saqlanıla.
