Link açıqlığı

Bariyev: qırımtatarlar Qırım birligi tarafından teşkil etilgen Qurultayğa qol tutmaz


Ukraine / Crimea - Eskender Bariev

Bu sene dekabr ayında Qırım birligi tarafından keçirilmesi kerek olğan Qurultay (qırımtatarlarnıñ milliy toplaşuvı) qanunsızdır, şunıñ içün qırımtatarlarnıñ çoqusı onıñ neticelerini tanımaz, dep tüşüne qırımtatar halqınıñ aqları boyunca Komitet idarecisi, Meclis azası Eskender Bariyev.

Bunı o Krım Media agentligine bildirdi.

«Halqnıñ nasıldır bir meselelerini çezmege ıntılğan teşkilât peyda olğanda, bu menfiy bir şey degil, amma o milletni temsil etmege istese, bu endi başqa bir iş. Halqnı temsil etmek içün bu aqnı qazanmaq kerek. Bugün 2013 senesi saylanğan Qurultay bar. Şunıñ içün Qırım birliginiñ nasıldır bir Qurultaynıñ keçirilmesi ile bağlı arizaları, menimce, temelsiz. Ebet, ıntıluv olacaq, amma, halq olarğa qol tutmaz, dep tüşünem», – dey cemaat erbabı.

Qırım birligi cemaat teşkilâtı Rusiye qanunları boyunca Qurultay saylavlarını keçirecek ola.

XS
SM
MD
LG