Link açıqlığı

Ukraina devlet sıñır hızmeti: Qırım ile sıñırda terrorizmde qabaatlanğan 30 insan yaqalandı


Tahminen 30 insan Herson vilâyeti ile Qırım sıñırında yaqalandı. İnsanlarnı terroristik faaliyette qabaatlaylar.

Bunı matbuat-konferentsiyası devamında Ukraina Devlet sıñır hızmetiniñ başı Viktor Nazarenko bildirdi.

Bundan da ğayrı, onıñ aytqanı kibi, ukrain sıñır bekçileri «DHC» ve «LHC» faaliyetinde iştirak etken şahıslarnı da yaqalağan ediler.

«Soñki eki aу devamında biz qanunsız silâlı teşkilâtlarğa qoşulğan tahminen 40 insannı yaqaladıq»,– dedi Nazarenko.

O şunı da qayd etti ki, al-azırda, Devlet sıñır hızmeti Donetsk ve Lugansk vilâyetlerinden keçken Rusiye Federatsiyası ile 400-den ziyade km devlet sıñırını taqip etip olamay eken.

XS
SM
MD
LG