Link açıqlığı

Qırımtatar milliy Meclis reisi Refat Çubarovnıñ fikrine köre, eger de Ğarp Rusiyege nisbeten sanktsiyalarnı daa biraz arttırsa, Ukrainanıñ Qırımnı qaytarmaq imkânları daa da çoq olur.

Bunı o, Lvovda Ukrain katolik universitetiniñ studentleri ile körüşüvde ayttı. Çıqışında aytılğan şeyler ІA ZIKtarafından neşir etildi.

«Şunı aytmaq kerek ki, ziddiyetniñ eñ yüksek noqtasına biz daa yetmedik. Bugünge olğan sarsıntılardan daa beteri ögdedir. Putinniñ (Rusiye prezidenti – muar.) areketleri, eger Ğarp sanktsiyalarını arttırsa ve Putin siyasetine nisbeten olğan hoşnutsızlıqnı pekitse, bu yalıñız Şarqta vaziyetni tınçlandırmaq degil de, Qırımnı da qaytarmağa yardım eter», – dedi Çubarov.

2014 senesi fevral soñunda mart başında Rusiye ve Rusiyeniñ Qara deñiz flotunda olğan askerler Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.

XS
SM
MD
LG