Qırımnıñ «Fevqulâde vaziyetler boyunca nazirligi» noyabr 29-30 künleri ava şaraitleriniñ beter olacağı aqqında haber ete.
Acele bildirüv nazirlikniñ saytında aşkâr etile.
«Qırım Cumhuriyetinde Gidrometeorologiya boyunca Regional merkeziniñ malümatına köre, Qırımda noyabr 29-30 künleri şiddetli qar, tuman, buzlavuq beklenile,» – denile beyanatta.
Ava şaraitleriniñ beterleşüvi aqqında qırımlılarnı bütün afta devamında tenbiyeley ediler. Bu sebepten Keriç keçitiniñ işi toqtatıla edi. Noyabr 27 künü Qırımda ilk qar yağdı.
