Bazar künü, noyabr 30-de, Aqmescitte Qırım akimiyetine yaqın olğan «Qırım birligi» teşkilâtı tarafından teşkil etilgen «Qırımtatar halqınıñ cemaat şurası»nıñ konferentsiyası keçirilecek.
Teşkilâtta haber etilgeni kibi, tedbir M.Görkiy adına Qırım akademik rus dramatik teatrinde keçirilecek.
Teşkilâtçılarnıñ ğayesine köre, konferentsiyanıñ esas maqsadı «qırımtatar halqınıñ birleşüv ketişatını pekitmek ve onıñ Qırımdaki devlet qurulışında iştiragini daa da faal etmekten» ibarettir.
Konferentsiyada, şu cümleden, «Cemaat şurası» terkibininiñ kenişletüvi ve faaliyeti ile bağlı meseleler muzakere etilecek eken.
Qırımtatar halqınıñ «Cemaat şurası» noyabrniñ başında meydanğa keldi. Mında 22 cemaat teşkilâtınıñ yolbaşçıları kirdi.
Qırımtatar milliy Meclisinde şunı qayd etken ediler ki, akimiyet tarafdarları olğan bu qırımtatar teşkilâtlarınıñ esas maqsadı – Meclis ve Qurultayğa oşağan bir organnı teşkil etmektir.
