Noyabr 27-de saba Keriçniñ «Vostoçnaya» qızdıruv sistemasında patlav yüz berdi. Ev, mektep ve bala bağçaları qızdırmasız qaldı.
Bunı Qırım «Fevqulâde vaziyetler nazirliginiñ» matbuat hızmeti bildire.
Berilgen malümatqa köre, 4200 insan yaşağan 175 mesken ev, 3 mektep, 3 orta oquv yurtı, 3 bala bağçası, em de №2 Keriç hastahanesi qızdırmasız qaldı.
«Teplokomunenergo» taqımları tamir işlerine başladı. Qırım Cumhuriyeti boyunca Rusiye FVN Baş idaresi vaziyetni nezaret ete», – aytıla beyanatta.
Qırım «FVN» Qırım avası bozulacağını bildirgen edi – küçlü qar, tuman, yollarda buz olması beklenile.
