Sekizinci çağırılış Ukraina Yuqarı Radası noyabr 27-de ilk toplaşuvğa toplaşacaq. Yañı saylanğan deputatlar ant etecekler, yañı parlamentniñ birinci sessiyası açılacaq, dep haber ete Azatlıq Radiosı.
Noyabr 26-na qadar Merkeziy saylav komissiyası Yuqarı Radanıñ 423 deputatından 419 kişini qayd etti.
Sekizinci çağırılış parlamentte 27 boş yer olacaq, çünki Qırım ve Donetsk ve Lugansk vilâyetlerinde majoritar saylavlar olmadı.
Mart ayında Rusiye Qırım Muhtar Cumhuriyetini işğal etti, aprel ayından itibaren Ukraina askerleri ve Rusiye qol tutqan separatistler arasında arbiy areketler devam ete.
