Link açıqlığı

Aqmescitteki Lenin meydanında yerleşken ve keçenleri adı deñiştirilgen Ukrain muzıkalı teatrini yıqa bileler.

Bunı Qırım mimarcılıq portalı bildire.

Al-azırda bina qarabiy alda buluna.

Bina vaziyetini ögrengen işçi gruppasınıñ reberi Qırım «Devlet şurasınıñ» deputatı Larisa Çulkovanıñ aytqanına köre, binanıñ bir qısmına suv kire, böyle etip trolleybus durağı yanında yerastı inşaatlar omraması mümkün.

«Qırım akimiyeti tamir işleri mantıqsız olacağını bildire, lâkin bu meselede soñki qarar teşkerüvden soñ qabul etilecek. Bina yerinde kinokontsert kompleksini qurmaq teklifi bar», – dep bildire mimarcılıq portalı.

İşğal etilgen Qırımda eki teatrniñ adını deñiştirdiler. Böylece, Qırım Akademik Ukrain muzıkalı teatri «Qırım Cumhuriyetiniñ Devlet akademik muzıkalı teatri» adını aldı, Görkiy adına Rus akademik drama teatri ise – «Qırım akademik drama teatri».

2014 senesi fevral soñunda mart başında Rusiye ve Rusiyeniñ Qara deñiz flotunda olğan askerler Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.

XS
SM
MD
LG