Link açıqlığı

Saatnıñ esas haberi

Qırım «samooboronasını» cemaat teşkilâtına çevirdiler


Qırımda «halq imayesi», yani «samooborona» kibi belli olğan Halq müfrezesi Ştabını devlet müessisesi statusından marum qaldırdılar. Endiden soñ olar uquq qoruyıcılarğa Qırımda nizamnı imaye etmege yardım etecek ekenler.

Böyle bir qanun leyhasını Qırım «Devlet şurası» noyabr 26-da toplaşuvda tasdıqladı.

Böylece, «samooborona» azaları cinayet aletlerini ala, naqliyat vastalarınıñ saibinden izin alıp, insanğa ajele tibbiy yardım köstermek içün maşinanı qullana, bağ vastalarınen bedava qullanıp, politsiyağa haber ete bileler.

Teşkilât faaliyetini nizamname belgileycek.

Qırım «samooboronası» 2014 senesi iyün 11-de «Qırım Cumhuriyetiniñ halq müfrezesi aqqında» qanun qabul etilgen soñ resmiy status ve yañı ad aldı. Al-azırda birleşme erkânında biñge yaqın insan bar.

XS
SM
MD
LG