İşğal etilgen Keriçte arbiy uçaqlar mesken yerlerniñ üzerinde uçmasını devam ete. Qırım.Aqiqat mühbiri bergen malümatqa köre, salı künü, noyabr 25-de, nevbetteki arbiy uçaq yataq mikrorayonı ve mektep üzerinden uçıp ketti.
Qırım.Aqiqat saytınıñ mühbirine istifadaki arbiy Nikolay Petroviç aytqanı kibi, evel mesken evlerniñ üzerinde uçuşlar yasaq etilgen edi.
«SSSR zamanında «Uçuşlarnıñ yapıluvı boyunca qaideler» bar edi, olarğa köre, mesken zona üzerinde uçmaq ve davuş sıñırından keçmege mümkün degil edi», – dedi arbiy adamı.
Rusiyeniñ Qırım işğalinden soñra arbiy tehnikanıñ yarımadanıñ mesken zonanıñ üzerinde uçması adiy bir şey oldı. Amma, Keriçte bu al vatandaşlarda memnüniyetsizlikni doğura. Şu cümleden, bala meydançıqları, mektep ve bala bağçaları üzerinde uçqan arbiy uçaqlar ana-babamnı qorquta, – dep haber ete Qırım.Aqiqat mühbiri.
2014 senesi fevralniñ soñunda – martnıñ başında Rusiye ve Rusiyeniñ Qara deñiz flotunıñ qırım bölüklerinden ordular Qırım yarımadanı zapt ettiler.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.
