Link açıqlığı

Qırım ve Aqyarda nefaqacılar içün aşğariy maaş 7 biñ rublege yetmey


İşğal etilgen Aqyarda yerli «uquq çıqarıcı toplaşuv» 2015 senesi nefaqıcılar içün aşğariy maaşnı 6 735 ruble miqdarında belgiledi. Bunı salı künü TASS bildirdi.

Aynı böyle nefaqa Qırım ve Rusiyeniñ Krasnodar diyarında belgilendi,– dep haber etti Aqyar şeer başı muavini vazifelerini eda etken Aleksandr Sveçnikov.

«Esaplar baqılğanda, Aqyarda aşğariy maaş Aqmescitke köre daa da alçаq olğanını añladıq. Şunıñ içün biz Aqyar ve Qırım nefaqacılarnıñ teñ uquqığını belgilecek bir miqdar üzerinde toqtalmağa qarar aldıq», – dedi Sveçnikov.

Evel o, Aqyarda aşğariy aylıq keçici müddet devamında, Rusiyeniñ diger regionlarına köre, daa da alçaq olacağını aytqan edi.

«Eki yıldan Keriç köpüri qurulıp bitirilecegi beklenile. Aşayt mallarnıñ ketirilüvi tertipleşir ve istimal sepeti de deñişir. Oña köre aşğariy maaş miqdarı teşkil etilecek», – degen edi iyünde Sveçnikov.

2014 senesi fevralniñ soñunda – martnıñ başında Rusiye ve Rusiyeniñ Qara deñiz flotunıñ qırım bölüklerinden ordular Qırım yarımadanı zapt ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.

XS
SM
MD
LG