Kira añlaşmanıñ lâğu etilmesi ve binadan Bağçasaray regional meclisiniñ qvulğanı boyunca mahkeme işi 2014 senesi dekabr 2-de baqılacaq.
Bunı Qırım.Aqiqat saytına regional Meclis reisi Ahtem Çiygoz bildirdi.
Onıñ aytqanı kibi, şimdilik bu işte bir sessizlik» duyula, bunı ise o, Bağçasaray evelki şeer başı Konstantin Rubanenkonıñ istifası ve yañı başınıñ tayinlevi ide bağlay.
«O (Konstantin Rubanenko – muar.), yañı akimiyet ögünde özüni köstermege tırışıp, biznen böyle sürette küreşe edi. Amma oña bu al yardım etmedi. Şeerniñ yañı başı ile biz daa körüşmedik, amma onıñ bu meselede daa da aqıllı siyasetine ümüt besleymiz», – dedi regional Meclisiniñ reisi.
Şimdi regional meclis işbu binada ep bulunmaqtadır. Amma mahkeme qararı amelge keçse, onı yerine mahkemeciler ketirecekler.
Evel qayd etilgeni kibi, «REP JF BGS» kommunal şirketiniñ Puşkina soq., 1 adresi boyunca yerleşken binanı kirağa alğan «Ocalar şurası» cemaat teşkilâtına olğan davasıda añlaşma mecburiyetleri kiracı tarafından bozulğanı aqqında bildirile edi.
Bundan evel «Qırım» Fondu» hayriye teşkilâtına ait olğan Aqmescit merkezinde yerleşken binadan qırımtatar milliy Meclisini quvğan ediler.
Noyabr 18 künü Aqmescitte mahkeme toplaşuvı keçirildi, fondnıñ yolbaşçısı Riza Şevkiyevge 350 biñ ruble, Fondğa ise – 4,5 million ruble miqdarında para cezasını belgilediler.
«Qırım» Fondu» hayriye teşkilâtınıñ mülkiyetini mezattan satacaq olalar.
