Link açıqlığı

Ukraina Yuqarı Şurasında qabul etilecek birinci qanun – deputat toqunmazlığınıñ lâğu etilmesi olmalıdır, dep tüşüne qırımtatar milliy Meclis reisi Refat Çubarov.

Bunı o Facebook saifesinde bildirdi.

«Ukraina Yuqarı Şurasınıñ yañı terkibinde nice yıllar devamında añlı sürette Ukraina bütünligini bozmağa çalışqan, vatanpervelreni taqip etken, Qırımda ukrain ve qırımtatarlarğa qarşı olğan küçlerni desteklegen insanlarnıñ sayısı ğayet çoqtır… Olar öz vaqtını bekley, memleketimizge öldürici darbe endirmek içün emir bekleyler…», – dep yaza Çubarov.

O, «işğal etilgen Qırımda işğalni tanımağa istemegenlerge qarşı etilgen ayırım ve terror ilerilegen» aqqında hatırlattı.

«İnsanlarnı esirge alıp, öldüreler, cami ve evlerge sürip kireler, qanunsız ve kütleviy sürette insanlarnı tutıp, olarğa aşalayıcı ketişatlarnı azırlaylar», – dey Meclis azası.

«İntiqamnı beklemeyim, amma qanuniy ceza deptutat toqunmazlığı artından saqlanmağa istegen er bir alçaq şerif içün olmalı. Demek, yañı saylanğan Ukraina Yuqarı Şurasında ilk alınacaq qanun – deputat toqunmazılq olmalıdır», – dey Çubarov.

Evel qayd etilgeni kibi, Yuqarı Şurağa saylanğan firqalar, deputat toqunmazlığını lâğu etip, işke başlamağa vade etken ediler. Bu teşebbüske yalıñız «Maydan» ile bir sırada anlğan parlament küçleri degil de, «Oppozitsiynıy blok» da qol tuttı.

XS
SM
MD
LG