Link açıqlığı

Aqmescitte mefruşat anbarı yana


Noyabr 24-te aqşam işğal etilgen Aqmescitteki fevruşat anbarında yanğın yüz berdi. Bunı Rusiye Fevqulâde vaziyetler nazirligi Qırım idaresiniñ matbuat hızmeti bildire.

Berilgen malümatqa köre, Danilov, 43 adresi boyunca yüz bergen yanğın aqqında haber saat 16.00 keldi.

«Bir qatlı bina, tuman 800 kvadrat metrlik meydannı qaplap aldı, yanğın meydanı ögrenile. İlk malümatlarğa köre, bir kimse yaralanmadı», – dep qayd ete FVN Qırım idaresi.

Vaqia yerinde 11 esas ve mahsus maşina ve 72 qurtarıcı çalışa.

Malüm ki, bazarertesi künü, noyabr 24-te, saba Aqmescitteki Merkeziy bazarınıñ bir qısmı «Yujnaya» podstantsiyasında yüz bergen yanğın sebebinden yaşıqsız qaldı, – umumen 25 biñ insan ışıqsız qaldı.

XS
SM
MD
LG